من لامني في حب زين الغنادير
الله يلـومه في نـصيـبـه وحـظـه

ياعـل حالـه حال فحـام بـالكيـر
ينفخ رمـاد وجـمـر نـاره يلظـه

والاعساه مكسـر الساق تكسير
عند الطبيب وبالجـباره يشظـه

مافاد معه البنج ولافـاد تخديـر
من الألـم معطيه قطـنه يعـظـه

عذب القاف

ياشوق حبك ذبحني وانت تجرحـني
قـلـبي مـعـك يـاعـديـل الـروح تليته

لاجيت اخبي غلاك الشوق يفضحني
يـاقـرد فيصل وش اللي فـيـه سويته

كـب الـزعـل لا تغلى قـوم صافحني
نبني جـسـور المحـبـه يـوم هـديـته

تـرا المواصل معك يازيـن يـفـرحني
ابـي سـوالفـك هـرج النـاس مليـتـه

كم واحدً عن جديد الحرف  ينصحني
اكـتـب لك الشـعــر والله مـا تغـاليـتـه

كل القصايـد قـليـلـه فـيـك سـامحـني
لولا الحياء كان بعال الصوت شليته

عذب القاف
ادري فيه ناس نيتها سيئه
بعض القصايد خاصه  ليس بالضروره اشرح لكم لمن

قلبي اللي مع اهل الرنج راحوبه
مـوتـري مـاجـابـهـا قــل واليـهـا

ليـتـني سـواق الـرنـج لـو نـوبـه
مرتكي عـالباب الايسر وحاكيها

صدري اللي كن به نار مشبـوبه
والمطـافي لـو تـجي مـا تـطفيها

والعبايـر محـرق الـخـد ساكـوبه
مـن يـلوم العيـن بفـراق غـاليها

  الغالي اللي قلت الهرج عذروبه
اشـهـد ان الله مـن الملح معطيها

عذب القاف

ت